光榮?
Glorious?Translated
你贏德國就叫光榮出局，日本輸波就醜陋晉級？
日本頭場贏哥倫比亞，成為首支世界盃贏南美洲嘅亞洲球隊你唔講？
日本第二場兩度落後塞內加爾最後都唔使輸你唔講？
相反
韓國頭場同瑞典踢到打MMA咁你唔提？
韓國暫時係今屆32隊入面犯規最多兼黃牌最多你唔講？（47次，6張黃牌）
好似講到成分組賽只係踢一輪咁。係，日本最尾嗰場最後十分鐘踢得消極（波蘭又唔迫，日本呢下都係賭博），但唔代表可以單靠呢10分鐘抺殺人哋頭兩場嘅努力，而又得罪講句，韓國頭兩場踢到點有眼睇啦。最尾贏到德國係威嘅，但又係咪可以光榮到將自己頭兩場嘅不濟一筆勾消？咁點解你哋贏波係出局，但人哋輸波可以出線？
你可以覺得自己光榮出局，但拉埋日本嚟講，只會變成一件你得唔到而人哋得到嘅酸事。而又得罪講句，光榮？2002？完。
Search